Խամենեին արգելել է Իրանից դուրս բերել հարստացված ուրանը
Thu, 21 May 2026 20:00:33 +0400
Իրանի գերագույն առաջնորդ Մոջթաբա Խամենեին արգելել է հարստացված ուրանի դուրսբերումը երկրից։ Այս մասին հայտնում է Reuters-ը՝ վկայակոչելով իր աղբյուրները։
Գործակալությունը նշում է, որ Իսլամական Հանրապետության գերագույն առաջնորդի այս որոշումը կարող է «ավելի դառնացնել» Դոնալդ Թրամփին և բարդացնել բանակցային գործընթացը:
Ավելի վաղ ՌԴ ԱԳ նախարար Սերգեյ Լավրովը հայտարարել էր, որ Մոսկվան պատրաստ է իրանական հարստացված ուրանի հարցի լուծման գործում այնպիսի դերակատարություն ստանձնել, որ առավելագույնս ընդունելի լինի Իրանի համար: Իր հերթին ՌԴ նախագահի մամուլի քարտուղար Դմիտրի Պեսկովը նշել է, որ Իրանից հարստացված ուրանի դուրսբերման մասին Ռուսաստանի առաջարկն այս պահին ԱՄՆ-ն չի դիտարկում: