Զելենսկին զգուշացրել է Լուկաշենկոյին
Thu, 21 May 2026 22:30:58 +0400
Բելառուսի ղեկավարությունը «պետք է զգոն լինի, այսինքն՝ իրատեսորեն հասկանա, որ հետևանքներ կլինեն, եթե Ուկրաինայի դեմ ագրեսիվ գործողություններ ձեռնարկվեն», – հայտարարել է Ուկրաինայի առաջնորդ Վլադիմիր Զելենսկին։
«Մենք հնարավորություն ունենք ամրապնդելու մեր դիրքերը, ինչպես նաև ունենք կանխարգելիչ գործողություններ ձեռնարկելու ռուսական տարածքների դեմ. այնտեղից կարող է սպառնալիք ծագել», – Telegram-ում հավելել է Ուկրաինայի նախագահը։
Միջուկային եռյակը պետք է դառնա Ռուսաստանի և Բելառուսի միութենական պետության ինքնիշխանության երաշխավորը, ավելի վաղ՝ այսօր, ասել է Ռուսաստանի նախագահ Վլադիմիր Պուտինը իր բելառուս գործընկեր Ալեքսանդր Լուկաշենկոյի հետ տեսակոնֆերանսի ժամանակ։
«Հաշվի առնելով աշխարհում աճող լարվածությունը և նոր սպառնալիքների ու ռիսկերի ի հայտ գալը, մեր միջուկային եռյակը, ինչպես նախկինում, պետք է ծառայի որպես ինքնիշխանության հուսալի երաշխավոր…», – ասել է Ռուսաստանի նախագահը։
Բելառուսի առաջնորդն իր հերթին հայտարարել է, որ պատրաստ է Բելառուսում և Ուկրաինայում՝ ցանկացած վայրում հանդիպել Զելենսկու հետ՝ քննարկելու երկկողմանի հարաբերությունները։