Ուկրաինան հերթական գրոհն է նախաձեռնել
Wed, 27 May 2026 11:00:38 +0400
ՌԴ հակաօդային պաշտպանության համակարգերն ամբողջ գիշեր հետ են մղել Սևաստոպոլի ուղղությամբ ուկրաինական զինուժի համակցված հարձակումը։ Այս մասին հայտնում է Սևաստոպոլի մարզպետ Միխայիլ Ռազվոժաևը։
«Սևաստոպոլում ռազմական և շարժական կրակային խմբերը ամբողջ գիշեր հետ են մղել համակցված հարձակումը։ Ուկրաինայի զինված ուժերը գրոհել են քաղաքի վրա տարբեր օդային միջոցներով, նախնական տվյալով` նաև «Storm Shadow» հրթիռներով»,- գրել է նա տեելգրամյան ալիքում։
ՀՕՊ–ն ավելի քան 20 ԱԹՍ է խոցել։ Նախնական տվյալով՝ տուժածներ չկան։ Պաշտոնյան նշել է, որ Լաստովայա հրապարակում հրթիռը հարվածել է Կենտրոնական բանկի Հարավային վարչության շենքին, այրվել է տանիքը։ Պայթյունի ալիքը վնասել է հարևան շինությունների պատուհաններն ու պատշգամբները։
Պերուստովայա հրապարակում հարվածային ալիքից տուժել է 8–հարկանի բազմաբնակարան շենք, վնասվել են ճակատային հատվածը, պատուհաններն ու պատշգամբները։
Գոգոլի փողոցի մոտակայքում, նախնական տվյալով, հրթիռը նաև վարչական շենք է վնասել, որը վաղուց չէր օգտագործվում: Հարևան բնակելի բազմաբնակարան շենքերում հարվածային ալիքից վնասվել են պատուհանները, վնասի չափը ճշտվում է: