«Ուժեղ Հայաստանի» թիմի անդամները Գյումրիում են մնացել՝ առավոտյան Միքայել Սրբազանին տեսնելու նպատակով
Sun, 31 May 2026 13:30:30 +0400
Երեկ Գյումրու Վարդանանց հրապարակում տեղի ունեցած «Ուժեղ Հայաստան» կուսակցության բազմամարդ հանրահավաքից հետո կուսակցության քաղաքական թիմի մի շարք անդամներ գիշերել են Գյումրիում՝ ցանկություն հայտնելով այսօր առավոտյան մասնակցել Գյումրու Յոթվերք եկեղեցում մատուցվող Սուրբ Պատարագին։
Մեր տեղեկություններով՝ կուսակցության ներկայացուցիչները եկեղեցի են այցելել՝ մասնակցելու պատարագին, ինչպես նաև Միքայել Սրբազանից օրհնություն ստանալու նպատակով։
Հիշեցնենք, որ թեև Միքայել Սրբազանի իրավունքները ներկայումս սահմանափակված են, և նա անձամբ չի մատուցում Սուրբ Պատարագ, այնուամենայնիվ ներկա է լինում եկեղեցում անցկացվող արարողություններին, հաղորդություն է ստանում և հավատացյալներին հնարավորություն է տրվում ստանալ նրա օրհնությունը։