Եվս մեկ ապացույց՝ 300 հազար ադրբեջանցիների ՀՀ գալու մասին․ ի՞նչ է ընթանում Բաքվում
Wed, 03 Jun 2026 14:00:56 +0400
Վերջին օրերին, քարոզարշավի շրջանում հատկապես, ընդդիմությունը լուրջ ահազանգ է հնչեցնում Ադրբեջանի սևեռուն ու վտանգավոր պահանջի մասին՝ կապված 300 հազար ադրբեջանցիների ՀՀ -ում բնակեցնելու հետ։ Փաշինյանն ու ՀՀ ադրբեջանասեր իշխանությունների տարբեր ներկայացուցիչներ հիստերիկ հակադարձումներ են անում, հերքում են, որ դա Երևանի ու Բաքվի բանակցությունների օրակարգում է, «կոկորդ են պատռում», ինչ ասես՝ միայն թե արդարացնելու Ալիևյան ռեժիմի իրական նկրտումներն ու հայ ժողովրդից թաքցնում հերթական վերահաս վտանգը։
Եվ ահա, ինչպես ադրբեջանական ԶԼՄ-ներն են հայտնում, այսօր՝ հունիսի 3-ին, Բաքվում բացվել է «Վերադարձը Արևմտյան Ադրբեջան՝ որպես ազգային գաղափարի նոր փուլ» թեմայով առաջին միջազգային գիտական կոնֆերանսը։
Ըստ տեղական ԶԼՄ-ների, համաժողովում կքննարկվեն այսպես կոչված «Արևմտյան Ադրբեջան» (նկատի ունեն Հայաստանի տարածքը-խմբ․) «վերադարձի պատմական, իրավական, քաղաքական, մշակութային և սոցիալ-փիլիսոփայական ասպեկտները, ինչպես նաև դրա նշանակությունը տարածաշրջանային խաղաղության և անվտանգության համար»։
«Կոնֆերանսում նաև կվերլուծվի Արևմտյան Ադրբեջանից արտաքսված ադրբեջանցիների վերադարձի իրավունքի իրավական շրջանակը»,-հավելել են ադրբեջանական աղբյուրները։