Հիացած եմ ուժեղ, հետաքրքիր կին լրագրողներով

Thu, 04 Jun 2026 13:41:49 +0400

«Ուժեղ Հայաստան» կուսակցության առաջնորդ Սամվել Կարապետյանը հանդես է եկել հայտարարություններով՝ անդրադառնալով կանանց ներգրավվածությանը հասարակական և քաղաքական գործընթացներում։

Նա նշել է, որ վերջին մեկ տարվա քաղաքական գործունեության ընթացքում առանձնահատուկ տպավորված է եղել Ազգային ժողովի կին ընդդիմադիր գործիչների, կին լրագրողների և իր քաղաքական թիմի կին անդամների ակտիվությամբ ու մասնակցությամբ։ Նրա գնահատմամբ՝ այդ փորձը ցույց է տալիս հայ կանանց ներուժը, որը, իր խոսքով, անհրաժեշտ է ավելի զարգացնել և խրախուսել։

Կարապետյանը նաև կարծիք է հայտնել, որ կանայք հաճախ ավելի լավ են պատկերացնում երեխաների և երիտասարդների կարիքները, ինչը, նրա համոզմամբ, կարևոր գործոն է հասարակական որոշումների կայացման գործընթացում։

Նա ընդգծել է, որ իր քաղաքական թիմը նպատակ ունի բարձրացնել կանանց դերը և նպաստել նրանց ավելի ակտիվ ու ազդեցիկ ներգրավվածությանը հասարակական կյանքում։

«Հիացած եմ Ազգային ժողովի կին ընդդիմադիր գործիչներով, ուժեղ, հետաքրքիր կին լրագրողներով, մեր թիմի ուժեղ կին անդամներով»,- ասել է նա: