Hraparak. Գորիսի համայնքապետ Առուշ Առուշանյանը, որը 2021 թվականին «Հայաստան» դաշինքի պատգամավորության թեկնածուների թվում էր եւ պատերազմից հետո Նիկոլ Փաշինյանին Սյունիքում դիմավորած եւ «Սյունյաց ողջույնների» կազմակերպիչներից, մի քանի տարի առաջ սահուն անցում կատարեց ՔՊ-ի ճամբար եւ սկսեց հլուհնազանդ ծառայել Նիկոլ Փաշինյանին: Նա այս ընտրություններից առաջ խոստացել է ՔՊ-ին բարձր ձայներ ապահովել Գորիսում` 60-70 տոկոս քվե:
Թեեւ Սյունիքում «Ուժեղ Հայաստանը» հիմնականում պարտվել է ՔՊ-ին, բայց Գորիսում բավականին շատ ձայներ է տարել: Ընտրությունների արդյունքների հրապարակումից հետո Առուշը խիստ զայրացել է եւ համայնքապետարանի աշխատողներին «պատերին ծեփել»: Դրանից հետո Գորիսի քաղաքապետարանի մի շարք աշխատակիցներ աշխատանքից ազատվելու դիմումներ են գրել: Դիմում է գրել նաեւ համայնքապետի տեղակալ Արտյոմ Աղաջանյանը:
Մեր աղբյուրի խոսքով, Առուշն է նրանց ազատել աշխատանքից, սակայն Առուշանյանի տեղակալը «Հրապարակի» հետ զրույցում հակառակը պնդեց` իր կամքով է հեռանում:
Արտյոմ Աղաջանյանը նախ հաստատեց մեր տեղեկությունը, որ այսօր ինքն իր դիմումի համաձայն ազատվել է աշխատանքից, սակայն պնդեց, որ պատճառը առողջական է. «Առողջական խնդիրների պատճառով եմ ազատման դիմում գրել, այլ պատճառ չկա», – պատասխանեց Աղաջանյանը: Մենք հարցրինք` ուրիշ աշխատակիցների է՞լ է Առուշանյանը կարգադրել, որ ազատման դիմումներ գրեն, ասաց, որ տեղեկություն չունի:
Source: USAArmenia
Մենք պատրաստ ենք արտահերթ ընտրությունների․ Միա՛յն օրն ասեք Fri, 23 Oct 2026 09:59:57 +0400 Մենք…
«Հրապարակ»․ Մեկնել են՝ ինքնասպանությունները կանխելու Fri, 23 Oct 2026 09:45:40 +0400 Պաշտպանության նախարար Սուրեն Պապիկյանն…
«Հրապարակ»․ Վարդանյանին դատում են Ալիեւը եւ համայնքապետը Fri, 23 Oct 2026 09:30:51 +0400 Ռուբեն Վարդանյանը…
Հայտնի է` երբ կլինի Քոչարյանի վերաբերյալ որոշումը Fri, 23 Oct 2026 09:22:56 +0400 ՀՀ երկրորդ…
«Հրապարակ»․ Եթե իշխանությունն ասում է, որ ծախսերն արդարացված են, պետք է փաստերով ցույց տան Fri,…
Ձեռքը` փրփուրներին Fri, 23 Oct 2026 09:00:05 +0400 Դեռ 5 ամիս էլ չի անցել համապետական…