Սա ստեղծում է լուրջ բնապահպանական վտանգ

Mon, 15 Jun 2026 14:15:40 +0400

Բնապահպան-ակտիվիստ Մարիամ Սուխուդյանը, անդրադառնալով համացանցում տարածված տեսանյութին, մտահոգություն է հայտնել Կապանի տարածքում գտնվող լքված հանքավայրի վիճակի վերաբերյալ։

Նա նշել է, որ հանքավայրից դուրս եկող՝ ծանր մետաղներով հարուստ հոսքաջրերը տարբեր ճանապարհներով խառնվում են ինչպես մակերևութային, այնպես էլ գրունտային ջրերին։ Սուխուդյանի խոսքով՝ այս գործընթացը ստեղծում է լուրջ բնապահպանական վտանգ և կարող է համարվել «ժամային ռումբ»։

Ակտիվիստի գնահատմամբ՝ այդ ջրերը այնուհետև հոսում են Կապանի և հարակից բնակավայրերի փողոցներով՝ բարձրացնելով բնակչության և շրջակա միջավայրի համար ռիսկերը։