Շնորհավորել է Թրամփին՝ 80-ամյակի առիթով
Mon, 15 Jun 2026 17:30:21 +0400
Ռուսաստանի եւ ԱՄՆ նախագահներ Վլադիմիր Պուտինի եւ Դոնալդ Թրամփի միջեւ հեռախոսազրույց է տեղի ունեցել։ Այս մասին հայտարարել է ՌԴ նախագահի օգնական Յուրի Ուշակովը։ Զրույցը տեւել է 55 րոպե։ Նախագահ Պուտինը նախագահ Թրամփին շնորհավորել է ծննդյան 80-ամյա հոբելյանի առիթով։ Պուտինը նաեւ լավագույն մաղթանքներ է հղել Առաջին տիկին Մելանյա Թրամփին՝ գնահատելով նրա ջանքերը՝ ռուս եւ ուկրաինացի երեխաների՝ իրենց ընտանիքների հետ վերամիավորման գործում։
Երկու առաջնորդները հեռախոսազրույցի ընթացքում քննարկել են նաեւ միջազգային իրավիճակին առնչվող հարցեր։ Թրամփը մասնավորապես խոստացել է ազդել Ուկրաինայի եւ ԱՄՆ եվրոպական դաշնակիցների վրա՝ առաջիկա կայանալիք «Մեծ Յոթնյակի» գագաթնաժողովին, եւ հանդես եկել Ուկրաինական հակամարտության կարգավորման եւ պատերազմական գործողությունների դադարեցման օգտին։ Սպասվում է, որ ամենամոտ ապագայում Ռուսաստան կայցելեն նախագահ Թրամփ բանագնացներ Ջարեդ Քուշներն ու Սթիվեն Վիթքոֆը։ Վերջին անգամ կողմերը հեռախոսազրույց էին ունեցել ապրիլի 29-ին։