Հրաձգություն հրեական սինագոգի մոտ․ կան զոհեր եւ վիրավորներ
Tue, 23 Jun 2026 19:30:49 +0400
Մեկ սպա զոհվել է, եւս մեկը ծանր վիրավորվել՝ կանադական Մոնրեալի սինագոգներից մեկի մոտ տեղի ունեցած հրաձգության հետեւանքով։ Զոհվել է նաեւ մեկ խաղաղ քաղաքացի։ Դեպքը տեղի է ունեցել հունիսի 22-ին։ այս մասին հայտնում է CTVNewsMontreal-ը։ Վիրավորում ստացած ոստիկանի վիճակը գնահատվում է ծայրահեղ ծանր։ Դեպքի վայրում՝ Քոթ դե Նեժ շրջանում, շարունակում են աշխատել իրավապահները։ Հայտնի է նաեւ, որ հրաձգության հեղինակը վնասազերծման գործողության ընթացքում զոհվել է։ Գործողությունը, ըստ Մոնրեալի ոստիկանության ղեկավար Ֆիլիպ Դեգարի, դեռ շարունակվում է։