ԱՄՆ սենատն օգնու՞մ է Իրանին․ Թրամփը մեկնաբանել է աղմկահարույց բանաձևը
Wed, 24 Jun 2026 13:00:39 +0400
ԱՄՆ նախագահ Դոնալդ Թրամփը հայտարարել է, որ սենատի ընդունած «անիմաստ» բանաձևը, որը սահմանափակում է իր ռազմական իրավասություններն Իրանի դեմ հակամարտությունում, կդժվարացնի Թեհրանի հետ իր բանակցությունները։
Ավելի վաղ հայտնել ենք՝ ԱՄՆ սենատը հավանություն է տվել բանաձևին, որը պահանջում է Թրամփից՝ դադարեցնել Իրանի դեմ ռազմական գործողությունները, որոնք ԱՄՆ-ն սկսել էր առանց Կոնգրեսի հավանության։ Սպիտակ տունը հայտարարել է, որ բանաձևը օրենքի ուժ չունի և նախագահի ստորագրություն չի պահանջում։
«Իրանը հարցրել է իմ մարդկանց. «Ի՞նչ է նշանակում այս ամենը»։ Այդ սենատորները հենց հիմա դժվարացրին իմ աշխատանքը», – գրել է Թրամփը Truth Social սոցցանցում։
Նրա խոսքով` Իրանն իր «կարթի վրա էր», իսկ Սենատը «անժամանակ և անիմաստ հանդիպում» է որոշել անցկացնել։
Թրամփը նշել է, որ այս քայլով օրենսդիրները ցույց տվեցին իրենց դժգոհությունը առաջնորդի գործողությունների նկատմամբ և դրանով օգնեցին Իրանի իշխանություններին և մխիթարեցին նրանց։
Հիշեցնենք` Իրանն ու ԱՄՆ-ն հունիսի 18-ի գիշերը հեռավար ձևաչափով հուշագիր ստորագրեցին, որի նպատակն է դադարեցնել փետրվարի 28-ին սկսված ռազմական հակամարտությունը:
Իսկ արդեն հունիսի 21-ին Կատարի և Պարկստանի միջնորդությամբ Շվեյցարիաում տեղի ունեցան ԱՄՆ-Իրան բարձր մակարդակի բանակցություններ։