Վարչապետի կնոջ դեմ քր․գործ է հարուցվել․ Իսպանիայում սկանդալ է

Wed, 24 Jun 2026 16:30:33 +0400

Իսպանիայի վարչապետ Պեդրո Սանչեսը կարծում է, որ դատարանի կողմից իր կնոջ՝ Բեգոնյա Գոմեսի նկատմամբ կիրառված կանխարգելիչ միջոցները գերազանցում են բոլոր ողջամիտ սահմանները։

Հունիսի 20-ին դատավոր Խուան Կառլոս Պեյնադոն հրամայել է վարույթ սկսել վարչապետի կնոջ դեմ։ Որպես կանխարգելիչ միջոց՝ նա կարգադրել է բռնագրավել նրա անձնագիրը և արգելել երկրից դուրս գալը։

Պատգամավորների կոնգրեսի (խորհրդարանի ստորին պալատ) առջև ելույթ ունենալով՝ վարչապետը հիշեցրել է, որ Գոմեսի դեմ հետաքննությունը անցկացվել է դատախազի դիրքորոշմանը հակառակ։

Սանչեսը նշել է, որ իր կնոջ դեմ ընտրված կանխարգելիչ միջոցները «գերազանցում են բոլոր ողջամիտ սահմանները»։

Իսպանիայի վարչապետի կնոջ դեմ հետաքննությունը սկսվել է 2024 թվականին։ Նա կասկածվում է յուրացման, կապերի չարաշահման և բիզնես կոռուպցիայի մեջ։

Դատախազությունը խնդրել է կարճել գործը և զգուշացրել, որ կփորձի արդարացնել կասկածյալներին, եթե դատարանը որոշի սկսել դատավարությունը։ Իր հերթին, ծայրահեղ աջակողմյան «Hazte Oir» միավորումը, որը դատական ​​​​հայց է ներկայացրել Գոմեսի դեմ, խնդրել է նրան դատապարտել 24 տարվա ազատազրկման։