Ո՞վ կդառնա ԱՄՆ հաջորդ նախագահ․ ինտրիգը մեծ է
Wed, 01 Jul 2026 13:30:48 +0400
ԱՄՆ պետքարտուղար Մարկո Ռուբիոն չի նախատեսում առաջադրվել 2028 թվականի նախագահական ընտրություններում Հանրապետական կուսակցության կողմից նախագահի թեկնածուի համար, եթե գործող փոխնախագահ Ջեյ Դի Վենսը հայտարարի առաջադրվելու՝ իր մտադրության մասին, հաղորդում է Associated Press (AP)-ն՝ հղում անելով պետքարտուղարին մոտ կանգնած աղբյուրներին։
Ըստ AP-ի՝ Ռուբիոն խորհրդականների և օգնականների հետ զրույցներում բազմիցս հայտարարել է Վենսին ենթարկվելու իր մտադրության մասին։ Միևնույն ժամանակ, ինչպես նշում է AP-ն, Ռուբիոն, որը համատեղում է իր պաշտոնները որպես պետքարտուղար և ազգային անվտանգության խորհրդական, վերջին ամիսներին զգալիորեն ամրապնդել է իր դիրքերը՝ Սպիտակ տան Ազգային անվտանգության խորհրդում իր գործընկերներին նշանակելով կարևոր պաշտոններում։
Ավելի վաղ, Fortune ամսագրին տված հարցազրույցում ԱՄՆ նախագահ Դոնալդ Թրամփը հրաժարվել է պատասխանել իր հավանական իրավահաջորդի մասին հարցին, ով կշարունակի «Ամերիկան առաջինը» քաղաքականությունը, եթե հաղթի 2028 թվականի ընտրություններում։
Ամերիկյան լրատվամիջոցները բազմիցս գրել են Ռուբիոյի և Վենսի մասին՝ որպես հանրապետական առաջատար թեկնածուների, որոնք կարող են երկու տարի հետո առաջադրվել ԱՄՆ նախագահի պաշտոնում։