Մահացու երկրաշարժերի զոհերի թիվը հասնում է 3500-ի
Mon, 06 Jul 2026 16:00:26 +0400
Վենեսուելայում հունիսի 24-ին տեղի ունեցած երկրաշարժի զոհերի թիվը շարունակում է աճել։ Վենեսուելայի Ազգային ժողովի նախագահ Խորխե Ռոդրիգեսը սոցիալական ցանցերում հայտարարել է, որ զոհերի թիվը այժմ կազմում է 3342։
Նա հավելել է, որ 16740 մարդ շարունակում է բուժում ստանալ, իսկ 6462-ը փրկվել և դուրս են բերվել փլատակներից։ 23820 տուժած դուրս է գրվել հիվանդանոցներից։
Ռոդրիգեսը հավելել է, որ 17345 մարդ անօթևան է մնացել։ Երկու հզոր երկրաշարժերի հետևանքով վնասվել է 856 շենք, իսկ ևս 190-ը լիովին ավերվել է։
Հիշեցնենք, որ հունիսի 24-ին Վենեսուելայում տեղի են ունեցել 7.2 և 7.5 մագնիտուդ ուժգնությամբ երկու ցնցումներ։ Ըստ Associated Press-ի՝ դրանք զգացվել են մինչև Բրազիլիայի Ամազոն շրջանը, որը գտնվում է Վենեսուելայի մայրաքաղաք Կարակասից մոտ 1700 կիլոմետր հեռավորության վրա։