«Կրակի հետ են խաղում»․ ո՞ր երկրներին է նախազգուշացնում Մոսկվան

Tue, 07 Jul 2026 16:00:13 +0400

Բալթյան երկրները «կրակի հետ են խաղում»՝ թույլ տալով իրենց տարածքն օգտագործել Ռուսաստանի դեմ թշնամական գործողությունների համար։ Այս մասին հայտարարել է ՌԴ փոխարտգործնախարար Միխայիլ Գալուզինը, նրա խոսքերը մեջբերում է ՌԻԱ Նովոստի-ն։

«Ենթարկվելով ՆԱՏՕ-ական և ԵՄ–ական կարգապահությանը և ուկրաինական հակամարտության համատեքստում իրենց տարածքը տրամադրելով Ռուսաստանի դեմ թշնամական գործողությունների համար, Բալթյան երկրները «կրակի հետ են խաղում»։ Նրանք դա լավ գիտեն», – ասել է պաշտոնյան։

Ավելի վաղ ՌԴ արտաքին հետախուզության ծառայությունը հայտնել էր, որ Ուկրաինայի զինված ուժերի հրամանատարությունը պատրաստվում է նոր ահաբեկչական հարվածների շարք հասցնել Ռուսաստանի թիկունքային մարզերին։ Մասնավորապես, Կիևը ծրագրում է անօդաչուներ արձակել Բալթյան երկրներից՝ թռիչքի ժամանակը կրճատելու համար։