ՆԱՏՕ-ի գագաթնաժողով․ շուրջ 50 մլրդ դոլարի համաձայնագրեր են ստորագրվել Թուրքիայում

Wed, 08 Jul 2026 11:30:19 +0400

Անկարայում ՆԱՏՕ-ի գագաթնաժողովի շրջանակներում պաշտպանական արդյունաբերության ֆորումում ստորագրվել են առնվազն 50 միլիարդ դոլարի համաձայնագրեր։

Այս մասին հաղորդում են թուրքական ԶԼՄ-ները։

Ըստ թերթի՝ պայմանագրերը վերաբերում են հակաօդային պաշտպանության համակարգերի, անօդաչու թռչող սարքերի ձեռքբերմանը և զենքի ու ռազմական տեխնիկայի համատեղ նախագծերի իրականացմանը։

ՆԱՏՕ-ի գլխավոր քարտուղար Մարկ Ռյուտեն գագաթնաժողովի շրջանակներում հայտարարել է, որ դաշինքի 20 երկիր կմասնակցի «Drone Edge» նախաձեռնությանը, որը շրջանակում հաջորդ հինգ տարիների ընթացքում 40 միլիարդ դոլար կներդրվի ԱԹՍ-ների և դրանց դեմ պայքարի համակարգերի արտադրության մեջ։

Նա հայտարարել է, որ ՆԱՏՕ-ի երկրները Անկարայի գագաթնաժողովում պաշտպանական ոլորտում կստորագրեն տասնյակ միլիարդ դոլարների պայմանագրեր։