Կպաշտպանի՞ ՆԱՏՕ-ն Թուրքիային, եթե վերջինս պատերազմի Իսրայելի դեմ

Fri, 10 Jul 2026 11:30:35 +0400

ՆԱՏՕ-ի գլխավոր քարտուղար Մարկ Ռյուտեն պատասխանել է լրագրողի հարցին, թե արդյոք դաշինքը կաջակցի Թուրքիային Իսրայելի հետ ենթադրյալ պատերազմի դեպքում։

«Նախագահ (Թուրքիայի) Ռեջեփ Թայիփ Էրդողանը չափազանց իմաստուն քաղաքական գործիչ է։ Նա այս պաշտոնը զբաղեցրել է երկար տարիներ և կփորձի խուսափել իրավիճակից, որը կարող է դուրս գալ վերահսկողությունից», – ասել է Ռյուտեն։

«Ի՞նչ կլինի, եթե (Իսրայելի վարչապետ) Նեթանյահուն անխուսափելի դարձնի հակամարտությունը» հարցին՝ գլխավոր քարտուղարը պատասխանել է.

«Եկեք չենթադրենք, թե ինչ կարող է պատահել։ Եվ եկեք չմոռանանք 2023 թվականի հոկտեմբերի 7-ը՝ ՀԱՄԱՍ-ի սարսափելի հարձակումը Իսրայելի վրա»։