Հայտնաբերվել է Երկրորդ աշխարհամարտի ժամանակների ավիառումբ
Sat, 11 Jul 2026 20:30:17 +0400
Գերմանիայի Քյոլն քաղաքում հայտնաբերվել է Երկրորդ աշխարհամարտի ժամանակների ավիառումբ։ Դրա պատճառով տարհանվել է տեղի մանկական հիվանդանոցներից մեկը։
Այս մասին հայտնում է Քյոլնի քաղաքային իշխանության պաշտոնական կայքը։ Արկը կշռել է 500 կգ։ Հայտնաբերվել է Յոհանես-Գիսբերթս պուրակում՝ մեծածավալ հետազոտությունների արդյունքում, որոնք սակրավորները իրականացրել են վերջին մի քանի օրերին։ Նախնական ուսումնասիրությունը հայտնաբերել է 150 կասկածելի կետ, իսկ արդեն օրեր անց՝ դրանցից մնացել են միայն 14-ը։ Այդ կետերից մեկում էլ հայտնաբերվել է ավիառումբը։ Իրականացված տարհանման շառավիղը կազմել է 500 մետր։ Տարհանվել է 4300 մարդ։
Տարհանվել են նաեւ շրջակայքում գտնվող այլ հաստատություններ եւս։ Ժամանակավորապես փակվել են հարակից փողոցները, մինչ ռումբի վնասազերծումը։