«Փողով գրողը» արյանս մեջ չկա․ Սոֆյա Հովսեփյանը հայց է ներկայացրել Փաշինյանի դեմ

Mon, 13 Jul 2026 18:03:22 +0400

Հարգելինե՛րս, ինչպես և խոստացել էի, այսօր հայց եմ ներկայացրել ՀՀ վարչապետի պաշտոնը զբաղեցրած Նիկոլ Վովայի Փաշինյանի դեմ՝ առ այն, որ նա բոլորիս, ովքեր չեն ընտրել ՔՊ-ին, անվանել է. «կաշառքով ընտրածներ», իսկ ՔՊ-ի ընտրողներին՝ «օրգանիկ ընտրողներ»:

Ցավոք, չկարողացանք հանդես գալ խմբային հայցով։

Ի դեպ, պահանջս մեկն է՝ զրպարտության հերքում։

Ինձ նրա (վստահ չեմ, թե իրենն է, գուցե բոլորիս գրպանից է) դրամական փոխհատուցումը պետք չէ։

Աշխատանքով ու արժանապատվությամբ եմ վաստակել և շարունակելու եմ նույն կերպ վաստակել ցմահ… («փողով գրողը» արյանս մեջ չկա)։

Այս մասին գրել է նախկին պատգամավոր Սոֆիա Հովսեփյանը՝ հրապարակելով այս տեսանյութը։