Հայաստանում Ֆրանսիայի դեսպանությունը թունավորման դեպքի վերաբերյալ
Sun, 19 Jul 2026 20:30:41 +0400
Հայաստանում Ֆրանսիայի դեսպանատունը հայտարարություն է տարածել՝ տեղեկացնելով, որ հուլիսի 14-ին՝ Ֆրանսիայի ազգային տոնի առթիվ կազմակերպված ընդունելությունից հետո, մի շարք հյուրեր իրենց հայտնել են սննդային թունավորմանը բնորոշ ախտանիշների մասին։
Դեսպանատունը ներողություն է հայտնել այն անձանցից, ովքեր անհարմարություններ են կրել, և նշել, որ շահագրգռված է հնարավորինս արագ պարզել այդ ախտանիշների պատճառները։ Այդ նպատակով արդեն դիմել է Հայաստանի Հանրապետության առողջապահության նախարարությանը։
Դեսպանատունը նաև խնդրել է բոլոր այն անձանց, ովքեր ևս նման ախտանիշներ են ունեցել, կապ հաստատել իրենց հետ՝ cad.erevan-amba@diplomatie.gouv.fr էլեկտրոնային հասցեով։