Ռուս էնդոկրինոլոգ Եկատերինա Սախնովան ներկայացրել է, թե օրական որքան կեռաս ու բալ կարելի է ուտել ամառվա այս սեզոնին։ Ըստ մասնագետի, կեռասն ավելի քաղցր է, կալորիականությունը 50 կիլոկալորիա։ Շաքարի պարունակությունը՝ 12 գրամ։ Բալը ավելի թթվաշ համ ունի, շաքարի պարունակությունը 8 գրամ է, սակայն անտոցիանների եւ C վիտամինի պարունակությունը երկու անգամ ավելի շատ է։ Այս երկու մրգերն էլ կարեւոր են ու օգտակար մարդու համար, քանի որ պարունակում են բորբոքային պրոցեսները նվազեցնող անտոցիաններ, մելատոնին, որը օգնում է քնել, կալիում, որն օգնում է կարգավորել արյան ճնշումը եւ այլն։ Մեկ անգամվա համար, ըստ նրա, կարելի է ուտել 200-300 գրամ այս մրգերից։

Օրվա առավելագույն քանակը 400 գրամն է, այսինքն մեկ ու կես միջին չափի բաժակ։ Այս քանակությունից գերազանցումը կարող է անհարմարություններ ստեղծել աղեստամոքսային համակարգի համար։ Չափից դուրս շատ այս մրգերից ուտելու ժամանակ առաջանում են՝ դիարեյա, մեթեորիզմ, այրոցներ, գաստրիտի սրացում, կարիոզային ռիսկ եւ այլն։ Հատկապես կարեւոր է, որ կորիզները հանվեն, քանի որ կորիզները ստամոքսում քայքայվելով արտադրում են սինիլային թթու։ Դիաբետիկները կարող են օրական ուտել 150 գրամ բալ եւ կեռաս, հղիները 200 գրամ, մինչեւ երեք տարեկան երեխաները՝ 50 գրամ։ Ի դեպ, բալի եւ կեռասի չրի մեջ շաքարի պարունակությունը զգալիորեն բարձր է։