Հեղեղումներն Հնդկաստանում առնվազն 40 մարդու կյանք են խլել
Thu, 23 Jul 2026 23:45:07 +0400
Հեղեղումները Հնդկաստանի հարավ-արեւելյան հատվածում գտնվող Ասամ նահանգում՝ առնվազն քառասուն մարդու մահվան պատճառ են դարձել։ Տուժել է 650 հազար մարդ։ Այս մասին հայտնում են հնդկական իշխանությունները։ Մեկ օրում հեղեղումներին զոհ է գնացել 10 մարդ։
Նահանգի տասնմեկ շրջաններում տուժածների թիվը հասել է 653 100-ի։ Արտակարգ եւ փրկարար բոլոր ծառայությունները աշխատում են տեղում։ Փրկարարական եւ աղետի հետեւանքների վերացման աշխատանքներում ներգրավված են նաեւ բանակը, ռազմաօդային ուժերը եւ այլ կառույցներ։ Ապահով վայրերում 487 ժամանակավոր տեղավորման վայր է ստեղծվել, որտեղ տեղավորվել է ավելի քան 24,4 հազար մարդ։ Առաջիկա չորս օրերին իրավիճակը չի կարգավորվելու, քանի որ մեթեո ծառայությունը կանխատեսել է հորդառատ անձրեւներ, ամպրոպ, կայծակ եւ քամու ուժգնացում։