Դավիթ Գևորգյանը նշանակվել է «Արարատցեմենտ» ՓԲԸ կառավարիչ

Thu, 30 Jul 2026 18:33:31 +0400

Էկոնոմիկայի նախարար Գևորգ Պապոյանը Դավիթ Գևորգյանին նշանակել է «Արարատցեմենտ» ՓԲԸ-ի կառավարիչ-տնօրեն։

Այսօր առավոտյան՝ կառավարության նիստից հետո, Պապոյանը հայտարարել էր, որ պատրաստվում է գնալ ընկերություն և կատարել տնօրենի նշանակումը։

«Այստեղ օրենսդրությունն այլ կարգավորում է նախատեսում։ Կառավարումն ամբողջությամբ անցել է Էկոնոմիկայի նախարարությանը, և տնօրենը լինելու է նախարարության աշխատակից»,- նշել էր նա։

«Հավաստիացնում եմ՝ մենք պակաս շահագրգռված չենք, որ տնտեսական ակտիվներն ամբողջությամբ աշխատեն։ «Նոյը» կվերաբացվի։ Քննարկեցինք նաև խաղողի մթերման հարցը, քանի որ եթե գործարանը չաշխատի, մթերումների հետ կապված խնդիրներ կառաջանան»,- ասել էր Պապոյանը։