Անտառային հրդեհներ Հունաստանում. կան զոհեր

Sun, 02 Aug 2026 19:32:36 +0400

Հունաստանում բռնկված անտառային հրդեհների հետևանքով ոչնչացվել է ավելի քան 12,000 հեկտար հողատարածք, ինչպես նաև զոհվել է երեք հրշեջ։

Աթենքից 70 կիլոմետր հեռավորության վրա գտնվող Պորտո Գերմենո հանգստավայրի ծայրամասում՝ Կորնթոսի ծոցի շրջանում, կրակը կլանել է ավելի քան 6,500 հեկտար տարածք։ Եվս 6,000 հեկտար հողատարածք մոխրացել է Փարոս և Կրետե կղզիներում բռնկված հրդեհների պատճառով, իսկ Կեֆալոնիա կղզում արձանագրվել է հրդեհի նոր օջախ։

Աղետի գոտում աշխատանքները բարդանում են քամու ուժգնացման հետևանքով։