Գալյանը՝ Հաջիևի հայտարարության մասին

Thu, 06 Aug 2026 11:07:01 +0400

Արդարադատության նախարար Սրբուհի Գալյանը լրագրողների հետ զրույցում անդրադարձել է սահմանադրական բարեփոխումների գործընթացին՝ նշելով, որ Հայաստանում արդեն երկար ժամանակ քննարկվում է նոր Սահմանադրություն ունենալու հարցը։

Նրա խոսքով՝ Սահմանադրության փոփոխությունը Հայաստանի ներքին գործն է, և վերջնական որոշումը պետք է կայացնի ժողովուրդը։

«Ժողովուրդն է որոշելու՝ ունենալո՞ւ ենք նոր Սահմանադրություն, թե՞ ոչ։ Գաղտնիք չէ, որ Սահմանադրության նոր նախագծի մշակման աշխատանքներ են իրականացվում»,– նշել է նախարարը։

Անդրադառնալով Ադրբեջանի նախագահի օգնական Հիքմեթ Հաջիևի՝ հանրաքվեի անցկացման և Սահմանադրության փոփոխության վերաբերյալ հայտարարություններին՝ Գալյանը նշել է, որ չի կարող դրանք մեկնաբանել։

Միաժամանակ նա ընդգծել է, որ սահմանադրական փոփոխությունների նախագիծը մշակվում է, իսկ դրա հետագա ընթացքը կախված կլինի նախատեսված գործընթացներից։