Թուրքիան աջակցում է Երևանի և Բաքվի միջև կայուն խաղաղության հաստատման ջանքերին․ Ֆիդան

Sun, 09 Aug 2026 11:45:34 +0400

Թուրքիան աջակցում է Հայաստանի և Ադրբեջանի միջև կայուն խաղաղության հաստատման գործընթացին։ Այս մասին հայտարարել է Թուրքիայի արտգործնախարար Հաքան Ֆիդանը։
«Հայաստանն ու Ադրբեջանը շարժվում են մշտական խաղաղության համաձայնագրի կնքման ուղղությամբ, և մենք աջակցում ենք այդ գործընթացին», — ասել է Ֆիդանը։

Նա հույս է հայտնել, որ ներկայում գործող հրադադարի ռեժիմը կպահպանվի։

Ֆիդանը նաև նշել է, որ Հարավային Կովկասում տեղի ունեցող գործընթացներն անմիջական ազդեցություն ունեն Թուրքիայի անվտանգության ճարտարապետության վրա։

Անդրադառնալով Թուրքիայի, Սաուդյան Արաբիայի և Պակիստանի եռակողմ համաձայնագրին՝ Թուրքիայի ԱԳ նախարարը նշել է, որ այն ուղղված չէ Իրանի կամ որևէ այլ երկրի դեմ։

Հիշեցնենք՝ նախօրեին Հայաստանի և Ադրբեջանի ղեկավարները հեռախոսազրույց են ունեցել, որի ընթացքում մտքեր են փոխանակել TRIPP երթուղու իրականացման շուրջ։