Առաջիկա ընտրություններում գործող նախագահին չեն աջակցի

Sat, 15 Aug 2026 18:00:59 +0400

Նոր Զելանդիայի Ֆուտբոլային ասոցացիան (NZF) որոշում է կայացրել չաջակցել Ջանի Ինֆանտինոյին՝ ՖԻՖԱ-ի նախագահի առաջիկա ընտրություններում։ Այս մասին հայտնում է կառույցի Մամուլի ծառայությունը։ Միաժամանակ, NZF-ը կոչ է արել անկախ հետաքննություն սկսել, կապված Ինֆանտինոյի այն առաջարկի հետ, որ Աշխարհի առաջնության իրավունքների մի մասը կարելի է վաճառել մասնավոր ներդրողներին։

Նոր-Զելանդական ֆուտբոլային կառույցում գտնում են, որ Ինֆանտինոն իր գործողություններով ու հայտարարություններով խաթարել է վստահությունը եւ խորացրել պառակտումը գլոբալ ֆուտբոլային կառույցի ներսում եւ անհրաժեշտություն է առաջացրել սկսելու անկախ հետաքննություն։ Միաժամանակ՝ կառույցը կողմ է արտահայտվել, որ խստացվի ՖԻՖԱ-ի կառավարման համակարգը եւ վերահսկողությունը, որպեսզի ՖԻՖԱ-ի ղեկավարը ստիպված լինի կառույցի անդամների առաջ էլ ավելի թափանցիկ, հաշվետվողական լինելու, այդ կերպ վերականգնելով վստահությունը։