Հեղեղումները ութ մարդու կյանք են խլել Ճապոնիայում
Sun, 16 Aug 2026 14:00:57 +0400
Հորդառատ անձրեւների հետեւանքով սկսված հեղեղումները Ճապոնիայի Տիբայի պրեֆեկտուրայում, որը գտնվում է Տոկիոյից դեպի հյուսիս-արեւելք, ութ մարդու կյանք են խլել։ Շատերը ջրահեղձ են եղել սեփական ավտոմեքենաներում՝ հայտնվելով ջրային թակարդի մեջ։ Համաձայն ճապոնական արտակարգ ծառայությունների հրապարակած տվյալների, Տիբայի փողոցներում եւ հարակից շրջաններում կան հազարավոր մեքենաների կուտակումներ։ Օգոստոսի 13-ին տեղացաշ հորդառատ անձրեւներից հետո առանց էլեկտրամատակարարման են շարունակում մնալ քսան հազար տնային տնտեսություններ։ Մասնակի կամ ամբողջապես հեղեղված է 180 տուն։ Մոտ 7400 մարդ գտնվում է ժամանակավոր տարհանման կենտրոններում։