Ադրբեջանի քարոզչամեքենան ոգեւորությամբ է արձանագրում Քոչարյանի հանդեպ տեղի ունեցողը. քաղաքագետ
Wed, 26 Aug 2026 22:40:08 +0400
Ադրբեջանի քարոզչամեքենան անթաքույց ոգեւորությամբ է արձանագրում Ռոբերտ Քոչարյանի հանդեպ տեղի ունեցողը։ Այս մասին տելեգրամյան իր էջում գրել է քաղաքական մեկնաբան Հակոբ Բադալյանը։
«Հասկանալի է ադրբեջանցիների ոգեւորությունը։ Եվ այստեղ հարցը նույնիսկ այն չէ, որ Քոչարյանի հանդեպ կարող է լինել բարդույթ, որը «հագենում» է ներկայումս։
Առհասարակ, Ադրբեջանը միշտ ոգեւորությամբ է աձանագրելու այն փաստը, որ Հայաստանի քաղաքական կառավարման ղեկին է մի ուժ, որի կենսունակության լիցքը ներքին բաժանարար գծեր ու անհանդուրժողություն խորացնելն է։ Բաքվին մնում է միայն հմտորեն խթանել այդ լիցքերը։ Իսկ այդ հմտությունը, Ադրբեջանն ունի՝ դժբախտաբար։
Հիշո՞ւմ եք 2020 թվականի պատերազմի շեմին Նիկոլ Փաշինյանի՝ Հանրայինին տված, սակայն եթեր չգնացած հարցազրույցը, որի առնչությամբ նա ազդարարել էր, թե կասի բանր, որ կքանդի Ադրբեջանը ներսից։ Նա նույնիսկ ասել էր մի առիթով, թե Ալիեւը իրեն մտահոգություն է հայտնել, որ հանկարծ Հայաստանում տեղի ունեցածով չփորձի այսպես ասած ոգեւորել Ադրբեջանի հանրությանը։
Իրակա՞ն է դա, թե՞ ոչ։ Դժվար է ասել։ Հետո Ալիեւն ասեց՝ արդեն պատերազմից հետո, թե իրենք մասնակցություն են ունեցել Հայաստանում 2018–ին տեղի ունեցածին։ Ինքս ամեն դեպքում թերահավատ եմ։ Բայց այն, որ Հայաստանի ներքին դաշտում ադրբեջանական ինֆորմացիոն–քարոզչական ներկայություն կա, ու այն ներկայումս առավել լայն է կիրառվում, ակնառու է»,-գրել է նա։