ՌԴ ԱԳՆ-ում ասել են, թե որքան է կազմում Հայաստանի ներդրումը ԵԱՏՄ բյուջեում

Thu, 27 Aug 2026 12:00:04 +0400

ԵԱՏՄ ընդհանուր բյուջեում Հայաստանի ավանդը կազմում է ընդամենը 1%։ Այս մասին ՌԻԱ Նովոստիին տված հարցազրույցում ասել է ՌԴ ԱԳՆ ԱՊՀ երկրների առաջին դեպարտամենտի տնօրեն Միքայել Աղասանդյանը։

««Հնգյակի» երկրների բոլոր մուտքերի մեջ, որոնց հաշվին ապահովվում է միության մարմինների գործունեությունը, Հայաստանի բաժինը կազմում է 1%-ից մի փոքր ավելի»,-ասել է Աղասանդյանը։

Ավելի վաղ ՌԴ ԱԳՆ-ում հայտարարել էին, որ Հայաստանի անդամակցությունը Եվրոպական միությանը կհակասի նրա ժողովրդի երկարաժամկետ շահերին։

Հայաստանի վարչապետ Նիկոլ Փաշինյանը օգոստոսի 24-ին հայտարարել էր, որ ապագայում երկիրը կսկսի ԵՄ-ին անդամակցելու հայտ ներկայացնելու գործընթացը։