Երկար քնելը վտանգավոր չէ․ գիտնականներ

Thu, 27 Aug 2026 23:00:40 +0400

Երկար քնելը ամենեւին էլ մարդու օրգանիզմի համար վտանգավոր հետեւանքներ չի ունենում։ Ավելի կոնկրետ՝ աթերոսկլերոզն ու ինսուլտը կապ չունեն մարդու՝ երկար քնելու սովորության հետ։ Այս մասին հայտարարել է ռուս մասնագետ Վլադիմիր Իվաշկովն իր տելեգրամյան ալիքում։ «Որեւէ հետազոտություն չի հաստատել, որ երկարատեւ քունը կարող է դառնալ հիվանդության պատճառ։ Ավելի շատ հակառակն է ապացուցվել, որ օրգանիզմը, որն արդեն անառողջ է, պահանջում է ավելի շատ ժամանակ՝ հանգստի եւ վերականգնման համար»,- գրել է բժիշկը։ Միաժամանակ՝ մասնագետը նշել է, որ ավելորդ քաշն ու դիաբետը նրանց մոտ կարող են պատահել, ովքեր սիրում են ավելի երկար քնել։ «Առողջ մարդը կարող է ինը ժամ կամ ավել քնել, սակայն նման սովորությունը երկար ժամանակ չպետք է պահպանվի»,- ասել է Իվաշկովը։