«Հարի Փոթերի» հերոսը 15 տարի անց վերադառնում է
Fri, 28 Aug 2026 22:00:35 +0400
Բրիտանացի դերասան Ռուպերտ Գրինթը վերադառնում է Ռոն Վիզլիի կերպարի մարմնավորմանը՝ «Հարի Պոտերի» եզրափակիչ մասից 15 տարի անց։ Գրինթը հանդես կգա «Հարի Պոտերն ու անիծյալ երեխան» բրոդվեյան ներկայացման մեջ։ Պիեսի գործողությունները ծավալվում են «Մահվան ընծաներից» մոտ 20 տարի անց, երբ հերոսներն արդեն իրենց ընտանիքներն ունեն եւ Հոգվարթս են ուղարկվում արդեն նրանց երեխաները։
Ռուպերտը Նյու-Յորքի Lyric Theatre-ի բեմ դուրս կգա 27 թվականի փետրվարի 2-ին եւ կմարմնավորի Ռոնի կերպարը 17 շաբաթ՝ մինչեւ մայիսի 30-ը։ Նույն ներկայացման մեջ հանդես կգա նաեւ Թոմ Ֆելթոնը։ Երկու դերասանները չեն հանդիպի բեմին, քանի որ Ֆելթոնը իր կերպարի մարմնավորումները կավարտի հունվարին՝ Գրինթի դեբյուտից մեկ ամիս առաջ։