Ավտոբուսը բախվել է պատին, կա մեկ զոհ եւ վիրավորներ

Sat, 29 Aug 2026 18:30:31 +0400

Թուրքական Ստամբուլում մեկ մարդ զոհվել է, եւս 17-ը վիրավորվել են ավտոբուսի մասնակցությամբ տեղի ունեցած վթարի հետեւանքով։ Այս մասին հայտնում է DHA-ն։ Համաձայն հաղորդման, վարորդը կորցրել է տրանսպորտային միջոցի կառավարումը, որից հետո ավտոբուսը բախվել է ճանապարհը բնակելի հատվածներից բաժանող պատին։

Դեպքի վայր են ժամանել հրշեջները, ոստիկաններն ու արագ արձագանքման բուժբրիգադները։ Տուժածները տեղափոխվել են մոտակա բուժհաստատություններ։ Երկու տուժածի վիճակը գնահատվում է ծանր։ Դեպքի առնչությամբ սկսվել է հետաքննություն։