Անտառային հրդեհ Թուրքիայում

Sun, 30 Aug 2026 23:15:27 +0400

Թուրքիայի Մուղլայի նահանգի Ֆեթխիե շրջանում անտառային հրդեհ է բռնկվել։ Հրդեհը գտնվում է բնակելի տարածքների եւ տուրիստական գոտու անմիջական հարեւանությամբ։ Այս մասին հայտնում է Haberler-ը։ Հրդեհաշիջման աշխատանքները դժվարությամբ են իրականացվում՝ փչող ուժգին քամու պատճառով։ Վերջինս նպաստում է կրակի ընդարձակվելուն եւ բնակավայրերի համար անմիջական սպառնալիք է ստեղծում։ Հրդեհաշիջումն իրականացվում է թե գետնի վրա եւ թե օդից։ Անվտանգության նկատառումներից ելնելով՝ մոտակա տների բնակիչներին եւ տեղի ծերանոցի բնակիչներին տարհանել են։