Կիևում կրկին պայթյուններ են

Mon, 31 Aug 2026 10:30:35 +0400

Ուկրաինական լրատվամիջոցները հաղորդում են, որ Կիևում անցած գիշեր պայթյուններ են տեղի ունեցել, մայրաքաղաքում հայտարարվել է օդային տագնապ։

Կարմիր գոտին ընդգրկում է Կիևը և Վոլինի, Դնեպրոպետրովսկի, Ժիտոմիրի, Կիևի, Կիրովոգրադի, Նիկոլաևի, Պոլտավայի, Ռովնոյի, Սումիի, Խարկովի, Չերկասիի և Չեռնիգովի մարզերը։

Ավելի վաղ, ուկրաինական ԶԼՄ-ները հայտնել են, որ ռուսական բանակի գիշերային հարվածի հետևանքով Կիևի մարզի Պոգրեբի բնակավայրում խոշոր հրդեհ է բռնկվել։

Ըստ հաղորդագրությունների՝ հզոր պայթյունից հետո գյուղից ծխի խիտ սյուն է բարձրացել։

Հարակից տների բնակիչները լսել են բարձր աղմուկ, որին անմիջապես հաջորդել է հրդեհը։