Ինքն էլ է պնդում, որ Հայաստանը ԵՄ-ին անդամակցելու որևէ շանս չունի
Wed, 02 Sep 2026 13:45:25 +0400
ԱԺ «Հայաստան» խմբակցության պատգամավոր Իշխան Սաղաթելյանը լրագրողների հետ զրույցում անդրադառնալով Հայաստանի եվրոպական ինտեգրման հեռանկարներին՝ նշել է, որ Փաշինյանն ինքն է ընդունում՝ երկրի՝ Եվրամիության անդամ դառնալու հնարավորությունները չափազանց սահմանափակ են։ Նրա խոսքով՝ այդ պայմաններում անհասկանալի է, թե ինչու իշխանությունները նախաձեռնեցին համապատասխան օրենսդրական գործընթացներ և այդ քայլերով հավելյալ խնդիրներ ստեղծեցին Հայաստանի արտաքին հարաբերություններում։
Ընդդիմադիր գործչի համոզմամբ՝ այս քաղաքականությունը իրականացվում է նպատակային և հետևողական կերպով, սակայն այն որևէ առնչություն չունի Հայաստանի պետական ու ազգային շահերի հետ։
«Ինքն էլ է պնդում, որ Հայաստանը ԵՄ-ին անդամակցելու որևէ շանս չունի, եթե չունի, այդ օրենքն ինչո՞ւ բերեցիր, անցկացրեցիր, ինչո՞ւ հարաբերությունները բարդացրեցիր և ինչո՞ւ ես տանում փակուղի»,- նշել է նա: