Նախկին վարչապետը հեռանում է նաեւ խորհրդարանից
Wed, 02 Sep 2026 17:30:33 +0400
Մեծ Բրիտանիայի նախկին վարչապետ Քիր Սթարմերը որոշել է վայր դնել նաեւ բրիտանական պատգամավորի իր լիազորությունները։ Այս մասին հայտնում է The Mirror պարբերականը։ Սթարմերը Համայնքների պալատում նորկայացնում է Լոնդոնի Հոլբորն եւ Սենթ-Փաթրիքս շրջանները։ Նրա հեռանալուց հետո, շրջանում պետք է տեղի ունենան հավելյալ ընտրություններ։ Լեյբորիստական կուսակցությունից հայտնում են, որ հնարավոր թեկնածուների ցանկը կհրապարակեն առաջիկա օրերին։
Իր որոշման մասին Սթարմերը հայտնել է Camden New Journal թերթի հետ զրույցում։ Նա մասնավորապես պատմել է, որ ողջ ամառվա ընթացքում, այն բանից հետո, երբ հեռացել է վարչապետի պաշտոնից, առիթ է ունեցել մտորելու իր հետագա անելիքների եւ պլանների մասին ու հիմա արդեն պատրաստ է էստաֆետան հաջորդին փոխանցելու, ինչպես ժամանակին ընդունել է Ֆրենկ Դոբսոնից։ Հայտնի է, որ պառլամենտական գործունեությունն ավարտելուց հետո, Սթարմերը ցանկանում է կենտրոնանալ միջազգային ասպարեզում իր ուժերը փորձելու վրա։