Ինչքան է կազմում կլիմայի փոփոխությունների պատճառած վնասը
Wed, 02 Sep 2026 20:00:34 +0400
Արդեն առաջիկա տարիներին՝ կլիմայական փոփոխությունների պատճառած տնտեսական վնասը կարող է տարեկան կտրվածքով կազմել 450 միլիարդ դոլար՝ եթե տարին համարվի «սովորական», այսինքն՝ աչքի չընկնի բնական տարերային աղետներով՝ փոթորիկներ, հեղեղումներ եւ այլն։ Եթե աղետների առումով տարին լինի ակտիվ, ապա այդ վնասը կարող է եւ լինել շատ ավելին։ Այս մասին գրում է Financial Times պարբերականը։ Դեռ երկու տարի առաջ այդ վնասը, ըստ ՄԱԿ գնահատման, կազմել է 320 միլիարդ դոլար։ Կորուստների աճը կապված է նաեւ այն բանի հետ, որ ընդլայնվել են այն բնակավայրերի եւ ենթակառուցվածքների ցանկը, որոնք հայտնվել են ռիսկային գոտում։ Ուշագրավ է այն, որ համաձայն հաշվարկների, պատճառած վնասների 62 տոկոսը չեն ծածկվում ապահովագրական հատուցումներով։
Հոդվածում նշվում է, որ կլիմայի փոփոխությունների պատճառած տնտեսական վնասների աճը ծանրաբեռնել է նաեւ ապահովագրական ընկերություններին։ Շատ խոշոր ապահովագրական ընկերություններ ամբողջական շրջաններում դադարեցրել են աշխատել կամ հրաժարվել երկարաձգել ունեցած պայմանագրերը այն ռեգիոններում, որոնք հատկապես գտնվում են ռիսկային գոտում․- ասված է հոդվածում։