Արդյունավետ քննարկում են ունեցել
Thu, 03 Sep 2026 02:30:41 +0400
Հանդիպել են ԱՄՆ եւ ՌԴ Ֆինանսների նախարարներ Սքոթ Բեսենթն ու Անտոն Սիլուանովը։ Այս մասին հայտնում է Politico հանդեսը, վկայակոչելով ԱՄՆ Ֆինանսների փոխնախարար Էրին Բրաունին։ Համաձայն հաղորդման, հանդիպումը ամերիկյան կողմը գնահատել է որպես արդյունավետ։ Հանդիպումը տեղի է ունեցել «Մեծ Քսանյակի» անդամ երկրների Ֆինանսների նախարարների եւ Կենտրոնական բանկերի նախագահների հանդիպման շրջանակում՝ ԱՄՆ Էշվիլ քաղաքում։
Կողմերը քննարկել են ԱՄՆ նախագահ Դոնալդ Թրամփի՝ խաղաղություն հաստատելու են տնտեսական աճ ապահովելու մասին ծրագիրը։ Նախարար Բեսենթը նախարար Սիլուանովին փոխանցել է, որ Միացյալ Նահանգներում ուզում են, որ հակամարտությունը Ուկրաինայում ավարտվի։ Նաեւ ընդգծվել է, որ Միացյալ Նահանգների որոշմամբ է, որ Ռուսաստանը մասնակցում է «Մեծ Քսանյակի» գագաթնաժողովին։ Համաձայն պարբերականի իրազեկ աղբյուրների, Բեսենթը նաեւ փոխանցել է, որ Վաշինգտոնը Մոսկվայի հետ որեւէ ֆինանսատնտեսական պայմանավորվածություն չի ունենա, քանի դեռ Ուկրաինական հակամարտությունը կարգավորված չէ։