Չեմպիոնների լիգայի մեկնարկից առաջ Football Meets Data-ի վերլուծաբանները փորձել են գնահատել, թե որ թիմերն ունեն եվրոպական գլխավոր ակումբային գավաթը նվաճելու առավել մեծ հնարավորություններ։

Սուպերհամակարգչի կատարած հաշվարկներում առաջին տեղը զբաղեցնում է ՊՍԺ-ն։ Փարիզյան ակումբի չեմպիոն դառնալու հավանականությունը գնահատվել է 13 տոկոս, ինչը ֆրանսիական թիմին դարձնում է մրցաշարի գլխավոր ֆավորիտը։ Եթե կանխատեսումն իրականություն դառնա, ՊՍԺ-ն կարող է երրորդ անգամ անընդմեջ հաղթել Չեմպիոնների լիգայում։

Ֆավորիտների ցանկում հաջորդը Մյունխենի «Բավարիան» է՝ 10,5 տոկոս ցուցանիշով։ Շատ փոքր տարբերությամբ գերմանական ակումբին հետևում են «Բարսելոնան» և «Արսենալը», որոնցից յուրաքանչյուրի հնարավորությունները գնահատվում են 10,3 տոկոս։

Առաջատարների հնգյակը լրացնում է Մադրիդի «Ռեալը»։ Իսպանական գրանդի՝ մրցաշարում հաղթելու հավանականությունը կազմել է 9,5 տոկոս։

Football Meets Data-ի հաշվարկներով՝ լավագույն տասնյակում են հայտնվել նաև «Մանչեսթեր Սիթին», «Լիվերպուլը», «Մանչեսթեր Յունայթեդը», Մադրիդի «Ատլետիկոն» և Միլանի «Ինտերը»։