Երրորդ դատավորից հետո՝ Վեհափառի գործով դատախազն է հեռանում
Sat, 05 Sep 2026 14:50:02 +0400
Վեհափառ Հայրապետի և եպիսկոպոսների գործով դատախազ Խաչատուր Գալստյանը աշխատանքից ազատման դիմում է գրել ու դուրս եկել աշխատանքից: Գլխավոր դատախազությունից փոխանցեցին, որ Գասլտյանը հեռացել է իր դիմումի հիման վրա, հեռանալը կապված չէ Վեհափառի գործի հետ․ քրեական հետապնդումը Գալստյանն է սկսել, գործը մեղադրական եզրակացությամբ նա է ուղարկել դատարան։
Վեհափառ Գարեգին Բ-ի և վեց եպիսկոպոսների քրեական գործը մինչ օրս չի մտել բուն դատաքննության փուլ։ Սկզբում գործը մակագրվել էր դատավոր Հակոբ Մանուկյանին, որը ինքնաբացարկ հայտնեց։ Դրանից հետո գործը ստանձնեց Սերժ Ռուշանյանը, սակայն նա այն ըստ էության չքննեց և ուղարկեց Երևանի քրեական դատարան՝ ընդդատության հարցը պարզելու համար։ Այնուհետև գործը մակագրվեց դատավոր Վահագն Մելիքյանին, բայց գործը կրկին չհասավ դատաքննության և ուղարկվեց Վճռաբեկ դատարան։ Իսկ հիմա աշխատանքից հեռացել է նաև այս գործով դատախազ Խաչատուր Գալստյանը՝ սեփական դիմումի համաձայն։ Արդյունքում գործը շարունակում է մնալ դատաքննությունից դուրս՝ արդեն մի շարք ուշագրավ հանգամանքների ֆոնին։