Նորվեգիան զորք է կուտակում ՌԴ-ի հետ սահմանին․Կրեմլի արձագանքը կոշտ է
Mon, 07 Sep 2026 18:30:01 +0400
Ռուսաստանի սահմանների մոտ Նորվեգիայի ռազմական ներկայության ավելացումը «չի կարող չընկալվել որպես սպառնալիք» Ռուսաստանի Դաշնության համար և «լրացուցիչ անվտանգության միջոցառումների պատճառ է», – հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Իհարկե, նման ռազմական կուտակումները, որոնք ուղղված են մեր երկրի՝ Ռուսաստանի Դաշնության դեմ, չեն կարող չընկալվել որպես սպառնալիք Ռուսաստանի անվտանգությանը, և սա պատճառ է մեր անվտանգությունն ապահովելու նպատակով լրացուցիչ միջոցներ ձեռնարկելու համար։ Մեր պաշտպանության նախարարությունը, ինչպես նաև այլ համապատասխան գերատեսչություններ, աշխատում են այս ուղղությամբ», – երկուշաբթի օրը լրագրողներին ասել է Պեսկովը։
Այսպիսով նա պատասխանել է Նորվեգիայի կողմից Ռուսաստանի սահմանի մոտ հրետանային գումարտակ ստեղծելու գործողությունների և մինչև 2030 թվականը մինչև 500 կմ հեռահարությամբ բազմակի հրթիռային կայանքներ տեղակայելու ծրագրերի մեկնաբանության խնդրանքին։