ՄԱԿ-ը կոչ է արել զենք չմատակարարել Իսրայելին

Tue, 08 Sep 2026 12:30:09 +0400

ՄԱԿ-ի մարդու իրավունքների գերագույն հանձնակատար Ֆոլկեր Թյուրքը հայտարարել է, որ հրադադարի սկսվելուց ի վեր Գազայի հատվածում Իսրայելի հարձակումների հետևանքով զոհվել է ավելի քան 1300 պաղեստինցի։

Ժնևում ՄԱԿ-ի մարդու իրավունքների խորհրդի 63-րդ նստաշրջանի բացման ժամանակ իր ելույթում Թյուրքը խորը մտահոգություն է հայտնել Գազայի հատվածում շարունակվող բռնության, մարդասիրական օգնության ներմուծման սահմանափակումների և իսրայելցի պաշտոնյաների կողմից անկլավի բնակիչների հարկադիր վտարման վերաբերյալ հայտարարությունների վերաբերյալ։

Նա նաև խոսել է Արևմտյան ափի շարունակվող անեքսիայի մասին և կոչ արել պետություններին դադարեցնել զենքի արտահանումը, որը կարող է օգտագործվել միջազգային իրավունքի խախտման համար։

Թյուրքը նաև կոչ է արել առևտրային ընկերություններին հրաժարվել անօրինական բնակավայրերին աջակցող գործունեությունից։

Գազայի առողջապահության նախարարության տվյալներով՝ հրադադարի սկսվելուց ի վեր զոհվել է 1344 պաղեստինցի, իսկ 4481-ը՝ վիրավորվել։ 2023 թվականի հոկտեմբերից ի վեր մահացածների ընդհանուր թիվը գերազանցել է 73,6 հազարը։