Տարօրինակ մրցույթ՝ գերեզմանափորների մասնակցությամբ
Tue, 08 Sep 2026 16:00:24 +0400
Հունգարիայում 19 թիմերի 38 գերեզմանափոր մասնակցել է մրցույթի, որով պետք է պարզվեր, թե ով ավելի արագ է գերազմանափոս փորում։
Մրցույթը տեղի է ունեցել Նյերգեշույֆալու քաղաքի հանրային գերեզմանատանը։
Միայն թիերով և քլունգներով զինված՝ մասնակիցները գերեզմաններ են փորել խիստ սահմանված չափսերով՝ 1.6 մետր խորությամբ, 2 մետր երկարությամբ և 0.8 մետր լայնությամբ։
Մրցատյանը գնահատել է ոչ միայն արագությունը, այլև որակը՝ պատերի կոկիկությունը և չափերի ճշգրտությունը։
Հաղթողներ են ճանաչվել Ռոբերտ Նագին և Լասլո Կիշը, որոնք առաջադրանքն ավարտել են մեկ ժամ 21 րոպեում։ Նրանք իրենց աշխատանքի համար ստացել են 200,000 հունգարական ֆորինտ (մոտավորապես 640 դոլար) մրցանակ։ Ինչպես նշել է հաղթողներից մեկը, արագությունն ու ճշգրտությունը գլխավորն են, քանի որ հուղարկավորության ժամանակ չես կարող հիասթափեցնել սգացող հարազատներին։
Կազմակերպիչները հույս ունեն, որ մրցույթը կօգնի կոտրել կարծրատիպերը և երիտասարդներին ներգրավել այս մարտահրավերներով լի, բայց կարևոր մասնագիտության մեջ, քանի որ, ինչպես նրանք են ասում, «յուրաքանչյուր հուղարկավորություն պետք է կատարվի մահացածի և նրա սիրելիների նկատմամբ հարգանքով»։