Որտե՞ղ կկայանան ՌԴ-ի, ԱՄՆ-ի և Ուկրաինայի միջև հաջորդ եռակողմ բանակցությունները
Tue, 08 Sep 2026 17:30:27 +0400
Ուկրաինայի նախագահ Վլադիմիր Զելենսկին հայտարարել է, որ Ուկրաինայի, Ռուսաստանի և ԱՄՆ-ի ներկայացուցիչների հաջորդ եռակողմ հանդիպումը կարող է տեղի ունենալ ԱՄԷ-ում, Շվեյցարիայում, Թուրքիայում կամ այլ երկրում։
Նրա խոսքով՝ կողմերը կքննարկեն էներգետիկ օբյեկտների և արտահանման ենթակառուցվածքների վրա հարձակումների դադարեցման հարցը։
Ավելին, Զելենսկին ասել է, որ Ուկրաինան ցանկանում է արագացնել գերիների փոխանակումը։
Նա նաև առաջարկել է, որ ԱՄՆ հատուկ դեսպանորդներ Սթիվ Ուիտկոֆը և Ջարեդ Քուշները հաջորդ անգամ ինքնաթիռով ուղևորվեն Կիև։
«Նրանք տեսան, թե ինչպես է ապրում Կիևը, տեսան, որ հնարավոր է թռչել։ Կարծում եմ՝ հաջորդ անգամ կարելի է փորձել ինքնաթիռով», – ասել է Ուկրաինայի առաջնորդը։