Զրուցեցին, շուտով կհանդիպե՞ն

Wed, 09 Sep 2026 19:00:58 +0400

Ռուսաստանի նախագահ Վլադիմիր Պուտինը և ԱՄՆ նախագահ Դոնալդ Թրամփը՝ սեպտեմբերի 8-ին ունեցած հեռախոսազրույցի ժամանակ քննարկել են ԱԽՏՀ գագաթնաժողովի շրջանակներում Ռուսաստան-ԱՄՆ-Չինաստան եռակողմ գագաթնաժողով անցկացնելու հնարավորությունը:

Այս մասին լրագրողներին հայտնել է Ռուսաստանի նախագահի մամուլի քարտուղար Դմիտրի Պեսկովը։

Պեսկովը նշել է, որ նման հանդիպումը հնարավոր է:

Հավելենք, որ ԱԽՏՀ գագաթնաժողովը տեղի կունենա 2026 թվականի նոյեմբերի 18-19-ը՝ Չինաստանի Շենժեն քաղաքում։

Ռուսաստան-Ուկրաինա հակամարտության վերաբերյալ Պեսկովը նշել է, որ դեռևս չկա համաձայնեցված կարգավորման ծրագիր կամ հստակ ճանապարհային քարտեզ։

Նա նշել է, որ Մոսկվան մտադիր չէ հրապարակայնորեն քննարկել ապագա համաձայնագրի հնարավոր դրույթները։