Մախաչևը ասել է՝ ինքն ում կհանձներ Ոսկե գնդակը

Thu, 10 Sep 2026 20:08:40 +0400

Իսլամ Մախաչևը բարձր է գնահատել Խվիչա Կվարացխելիայի՝ տարվա լավագույն ֆուտբոլիստի համար պայքարելու հնարավորությունները։ UFC-ի չեմպիոնի կարծիքով՝ եթե հաշվի չառնենք աշխարհի առաջնությունը, ապա «Ոսկե գնդակի» ամենաարժանի թեկնածուն հենց վրացի ֆուտբոլիստն է։

Կվարացխելիան ընդգրկվել է 2026 թվականի «Ոսկե գնդակի» 30 հավակնորդների ցանկում։ ՊՍԺ-ի կազմում անցկացրած մրցաշրջանը նրան հնարավորություն է տվել հայտնվել հեղինակավոր մրցանակի գլխավոր թեկնածուների շարքում։

Մախաչևը նշել է, որ իր ընտրությունը կկատարեր հենց Կվարացխելիայի օգտին։ Նրա գնահատմամբ՝ վրացի ֆուտբոլիստի ցուցադրած խաղը բավարար հիմք է նրան ֆուտբոլային աշխարհի ամենահեղինակավոր անհատական մրցանակին արժանի համարելու համար։

2026 թվականի «Ոսկե գնդակի» հաղթողը հայտնի կդառնա հոկտեմբերի 26-ին Լոնդոնում նախատեսված մրցանակաբաշխության ընթացքում։