Իսրայելի հարվածից հետո Լիբանանում երկրաշարժ է տեղի ունեցել
Fri, 11 Sep 2026 14:00:20 +0400
Լիբանանի հարավում 4,1 մագնիտուդով երկրաշարժին համարժեք սեյսմիկ ցնցումներ են տեղի ունեցել մոտավորապես նույն պահին, երբ Իսրայելը պայթեցրել է «Հզբոլլահ» շարժման ստորգետնյա ենթակառուցվածքը: Այս մասին հայտնել է ԱՄՆ Երկրաբանական ծառայությունը (USGS)։
Ավելի վաղ Իսրայելի իշխանությունները հայտնել էին, որ իր բանակը նախորդ օրը ոչնչացրել է «Հզբոլլահ» շարժման ռազմավարական ստորգետնյա ենթակառուցվածքը Լիբանանի հարավում գտնվող Ալի աթ-Թահեր լեռնաշղթայի շրջանում:
Ստորգետնյա ցնցումները գրանցվել են Լիբանանի հարավում գտնվող Նաբաթիա աթ-Թախտա բնակավայրից 13 կմ դեպի հարավ-արևմուտք: Օջախը գտնվել է 10 կմ խորության վրա։