Նավակ ճոճողը փորձում է փրկել Նիկոլի ճոճվող աթոռը․․

Նավակ ճոճողը փորձում է փրկել Նիկոլի ճոճվող աթոռը․․

Sat, 12 Sep 2026 14:45:20 +0400


ԱԺ պաշտպանության և անվտանգության հարցերի մշտական հանձնաժողովի նախագահ Վիլեն Գաբրիելյանի հայտարարությունը ռուսական 102-րդ ռազմաբազայի հնարավոր դուրսբերման մասին պատահական խոսակցություն չէ։ Այն առնվազն մեկ կարևոր հարց է առաջացնում․ ի՞նչ հաշվարկ է անում իշխանությունը։

Հիշենք Նիկոլ Փաշինյանի ակնարկը, թե գազի թանկացման դեպքում Հայաստանը ևս կարող է «թանկացնել» որոշ բաներ։ Հանրությանը առաջին հայացքից կարող է թվալ, թե իշխանությունը փորձում է պաշտպանել Հայաստանի և ՀՀ քաղաքացու շահերը․ գազը կթանկացնեք՝ մենք էլ ինչ-որ բան կթանկացնենք։

Վիլեն Գաբրիելյանի հայտարարության մեջ էլ նույն տրամաբանության շարունակությունն է նշմարվում։ Իշխանությունը ներկայացնում է, թե ամեն ինչ անում է Հայաստանի անվտանգությունն ու շահերը պաշտպանելու համար։ Բայց այստեղ մեկ այլ հարց է առաջանում՝ իսկ իշխանության հաշվարկը ո՞րն է։

Փաշինյանը լավ գիտի, թե գազի թանկացումը, սոցիալական ծանր վիճակը կամ անվտանգության նոր ցնցումները ինչ կարող են արժենալ իր իշխանության համար։ Դրա համար այսօր հարց է առաջանում՝ իշխանության համար ամենակարևո՞րն այն է, թե նման զարգացումների պարագայում ինչ է սպասվում Հայաստանին, թե՞ ինչ է սպասվում իրեն։ Եթե գազը թանկանա, անվտանգային խնդիրներն ավելանան, իսկ մարդկանց կյանքը ավելի անտանելի դառնա, հասարակությունը իշխանությունից բնականաբար կպահանջի իր խոստացած «ապագան»։ Եվ այդ պահին արդեն դժվար կլինի ամեն ինչ բացատրել գեղեցիկ քաղաքական ձևակերպումներով։ Ուստի Վիլեն Գաբրիելյանի այս հայտարարությունը կարելի է կարդալ նաև այս տեսանկյունից․ Փաշինյանը փրկության օղակներ է փնտրում։ Բայց արդյո՞ք դրանք Հայաստանի փրկության օղակներն են, թե՞ իշխանության քաղաքական գոյատևման։ Միանշանակ՝ իշխանության քաղաքական գոյատևման։ Նավակ ճոճողը փորձում է փրկել Նիկոլի ճոճվող աթոռը․․․

Քաղաքացին կարող է դիմանալ իշխանության քաղաքական տարբեր խաղերին, բայց երբ զգում է, որ այդ խաղերը հասնում են իր գրպանին ու անվտանգությանը, շատ արագ կողմնորոշվում է։ Փաշինյանին, թերևս, հենց այդ կողմնորոշումն է անհանգստացնում։ Իսկ երկար ժամանակ կուտակված դժգոհությունը կարող է վերածվել ոչ թե պարզապես բողոքի, այլ քաղաքական պայթյունի՝ հենց իշխանության աթոռի տակ։

© 2026 Secure News Portal

Source: Hraparak

Hraparak.am

Recent Posts

«Հրապարակ». Իրենք միլիոններ են ստանում, սահման պահողին 180 հազար դրամ են տալիս

«Հրապարակ». Իրենք միլիոններ են ստանում, սահման պահողին 180 հազար դրամ են տալիս Wed, 18 Nov…

13 րոպե ago

Նիկոլ Փաշինյանն ընդմիջումից հետո չի վերադարձել բյուջեի քննարկմանը

Նիկոլ Փաշինյանն ընդմիջումից հետո չի վերադարձել բյուջեի քննարկմանը Wed, 18 Nov 2026 12:36:14 +0400 Latest…

22 րոպե ago

Մենք չենք հրաժարվել ո՛չ դոլարից, ո՛չ եվրոյից. Պուտին

Մենք չենք հրաժարվել ո՛չ դոլարից, ո՛չ եվրոյից. Պուտին Wed, 18 Nov 2026 12:30:34 +0400 Ռուսաստանը…

28 րոպե ago

Գլխատում կատարած ադրբեջանցի զինվորականները պատասխանատվության կենթարկվեն

Գլխատում կատարած ադրբեջանցի զինվորականները պատասխանատվության կենթարկվեն Wed, 18 Nov 2026 12:30:32 +0400 Latest news from…

28 րոպե ago

Ինքնիշխանության կորստի ավելի վատ օրինակ կա՞, քան երկրիդ ծննդականը հակառակորդի ցուցումով փոխելը

Ինքնիշխանության կորստի ավելի վատ օրինակ կա՞, քան երկրիդ ծննդականը հակառակորդի ցուցումով փոխելը Wed, 18 Nov…

43 րոպե ago

«Հրապարակ». Եթե մարդը խելագար չէ, կանի՞ նման բան` ինչ-որ նպատակի համար, եթե նպատակն էլ չկա

«Հրապարակ». Եթե մարդը խելագար չէ, կանի՞ նման բան` ինչ-որ նպատակի համար, եթե նպատակն էլ չկա…

43 րոպե ago