Եկել է «ազգային դիմադրության» ժամանակը․ Օրբանը վերադառնում է
Mon, 14 Sep 2026 16:00:03 +0400
Հունգարիայի նախկին վարչապետ Վիկտոր Օրբանը հայտարարել է Պետեր Մադյարի գլխավորած երկրի նոր կառավարության դեմ ակտիվ քաղաքական պայքարին վերադառնալու մասին։
««Նեոկոմունիստների» նկատմամբ մեղմության ժամանակաշրջանն ավարտվել է։ Մենք ընդունում ենք մարտահրավերը և մտնում պայքարի մեջ», – գրել է Օրբանը ֆեյսբուքյան իր սոցէջում։
Նա նշել է, որ իր կուսակցության՝ «ՖԻԴԵՍ»-ի առաքելությունը Հունգարիայի ինքնիշխանության պահպանումն է, մինչդեռ Մադյարի «ՏԻՍԱ»-ն ձգտում է երկիրը վերածել «գաղութի», որտեղ Բրյուսելը խաղում է «գաղութատիրական տիրոջ» դերը։
Օրբանի խոսքով՝ նոր իշխանությունները արդեն իսկ վերահսկողություն են հաստատել քաղաքական ոլորտի նկատմամբ և այժմ ձգտում են «տիրանալ նաև տնտեսությանը»։
Նախկին վարչապետը ընդգծել է, որ «ՖԻԴԵՍ»-ի համբերությունը սպառվել է, և եկել է «ազգային դիմադրության» ժամանակը։ Հաջորդ շաբաթ Օրբանի կուսակցության ղեկավարությունը երկօրյա հանդիպում կանցկացնի՝ իր ապագա ռազմավարությունը որոշելու համար։
Հիշեցնենք, որ ապրիլին 16 տարի իշխանության գլուխ գտնվող «ՖԻԴԵՍ»-ը պարտություն կրեց խորհրդարանական ընտրություններում։ Հաղթել է Մադյարի գլխավորած «Տիսա»-ի կուսակցությունը։